Aprender cantando

Ola a tod@s!
Hi everybody!
Salut à tous!
¡Hola a tod@s!

Preguntarédesvos: e esta entrada a que vén? Pois decidín escribir sobre isto debido á clase do pasado luns con Mª Carmén onde nos comentou que na seisión do luns que vén teremos que idear unha actividade para empregar nunha clase de lingua estranxeira que estea baseada nunha canción ademais de explicarnos que distintas competencias e contidos podemos tratar a través das cancións, como podemos organizar esa actividade, ... Esa explicación lembroume a un obradoiro ao que acudín fará tres ou catro semanas, na FFT, sobre o pontencial da música na ensinanza das linguas estranxeiras «Growing for a Change: The True Potencial of Music and Songs in ELT» impartido por Rick Sampredo. Foi un obradoiro moi interesante e que considero que pode ser de axuda para a actividade do próximo luns, por iso o quixen compartir aquí con vós.

Rick Sampedro comezou explicando cales son os problemas máis comúns nos estudantes á hora de aprender unha lingua estranxeira:

• Comprensión oral (Listening comprehensión)
• Expresión oral (Speaking)
• Vocabulario específico ( Specific vocabulary)
• Coñecemento das problemáticas globais (Knowledge of global issues)

Para logo enumerarnos algúns da gran cantidade de aspectos que se poden tratar cunha canción nunha clase de lingua estranxeira:

• Mellorar as destrezas de escoita (Improve listening skills)
• Ampliar o vocabulario específico (Expand specific vocabulary)
• Analizar as distintas regras da lingua (Analyse language use)
• Cuestionar estereotipos, prexuízos... (Challenge stereotypes, prejudices...)
• Tratar problemáticas socias (Explore social issues)
• Activar destrezas do pensamento crítico dos alumnos (Activate critical thinking skills)
• Divertirse (Have fun)
• Tratar as distintas emocións humanas (Tap upon human emotions)

Explicounos que sempre deberíamos ter claro o elemento que vamos empregar para comezar a actividade (starting point) e propuxonos varias opcións:

• Unha historia relacionada coa canción (unha noticia, unha lectura, ...)
• A canción en si (escoitándoa)
• A letra 
• Algún fragmento dunha película ou o argumento dunha película no que ou ben apareza a canción ou ben que este relacionado con ela polo contido
• Algún apartado do libro de texto que estea relacionado coa canción elixida

Tamén deberemos ter clara a progresión que vai seguir a actividade tendo en conta que se poden dar infinitas convinacións e que a actividade se poderá alongar tantas sesión como queiramos relacionando os exercicos anteriores e infinidade deles máis. 

Para que coñecéramos máis exercicios que se poden elaborar a partir de cancións entrougounos unhas fotocopias nas que nós deberiamos actuar como alumnos e resolver diferentes exercicios relacionados coa música ou cunha canción. Un deses exercicios que me pareceu bastante interesante consistía en escribir unha versión da canción «What a wonderful world» de Louis Armstrong seguindo as mesmas estruturas sintácticas empregadas na canción pero cambiando os compoñestes.

Ex.: And I say to myself: What a wonderful world.

      And I say to Alan: What a beautiful eyes. 

Igual este non é o mellor exemplo, pero un exercicio coma estes pode servir para que os alumnos cheguen a deducir estruturas sintácticas ou simplemente para que as practiquen. 

Ao final do obradoiro fixemos un exemplo dunha actividade completa coa canción «Make it stop» de Rise Against na que nos foi explicando os distintos exercicios que se poden levar a cabo con esta canción como base e tratando o tema do acoso escolar (bulling). 

Comezou a actividade cunha imaxe dunha escea de acoso escolar e fíxonos preguntas sobre ela; unha vez introducido o tema do acoso escolar na aula vimos o videoclip da canción, expuxemos as nosas reaccións e abriuse un debate (por suposto todo en inglés); analizamos as consecuencias do acoso escolar e pasounos unha folla coa letra da canción para ler en voz alta (pode servir para practicar a pronunciación). Outros dous exercicos que nós non levamos a cabo pero que nos propuxo como peche da actividade foron os de representar escenas (mesmo se lles pode pedir aos alumnos que escriban eles os diálogos) e mostrarlles os distintos recursos aos que poden acudir se sofren acoso escolar ou se saben dalgún caso.

Como vedes unha canción pode dar para moito nunha clase.

Aqui tedes dous enlaces que nos recomendou Rick Sampedro como fontes para escoller cancións para distintas actividades: 

• http://www.educationforachange.com/song-index (este dirixe a un índice de cancións orientado aos profesores ordeado por temáticas e elaborado por el mesmo)
• http://www.songfacts.com/categories.php (esta é unha páxina que contén un índice semellante ao anterior pero moito máis amplo ademais de moita e moi diversa información sobre múscia) 

Síntoo polas compañeiras de francés, pero toda a información está en inglés nas dúas webs. 

Espero que vos sexa de axuda a entrada. Boa fin de semana!